Gintaeana it Commission on Elections (Comelec) ro mas nga ginpatimpranong pagbaton it aplikasyon para sa gun ban exemption sa Hunyo 5 kasunod it 2023 Barangay ag Sangguniang Kabataan Election (BSKE).
Ginkumpirma ni Crispin Raymund Gerardo, tagapaghambae it COMELEC-Aklan nga apisar nga gina-istudyohan pa nanda ro nasambit nga resolusyon hay bukas eon ro andang opisina para sa mga interasado nga magdihon it andang aplikasyon.
Raya sigon hay nakabaehag sa Comelec Resolution 10918 nga kun siin ro mga indibidwal nga gustong mag-secure it Certificate of Authority agud makadaea it baril hay kinahangean nga magsumite it applications sa Committee on the Ban on Firearms and Security Concerns (CBFSC).
Ro pagbaton it aplikasyon sa pagboue it Certificate of Authority hay umpisa Hunyo 5 hasta Nobyembre 15.
Angot kara, igapatigayon ro pagdihon it aplikasyon sa pamaagi it website it Comelec.
Samtang, awtomatiko man nga exempted sa gun ban ro mga katapo it kapulisan ag high-ranking officials nga ginaeakipan it Presidente, Bise Presidente, Chief Justice it Supreme Court, Senate President, incumbent Senators gg mga miyembro it Kamara.
Gin-specify ro nasambit nga exemptions agud masiguro ro matawhay nga pagpatigayon it eleksyon samtang ginapatuman ro mga security measures.
Ro gun ban hay nagadumili sa pagdaea, ag pag-transport it baril ag anuman nga deadly weapons sa panyempo it election period agud ma-promote ro malinong ag matawhay nga pieilian.