KALIBO, Aklan—Ginpahayag it Civil Service Commission ukon CSC Aklan field office nga uman sanda nga magabaton it aplikasyon para sa Career Service Examination Pen and Paper test sa mga Professional ag Sub Professional levels.
Suno kay Leo Jamorin, Director II it Civil Service Commission’s Aklan Field Office nga ro pagpalista hay maga-umpisa sa May 13 hanggang June 13, 2023.
Ro eksaminasyon hay nakataeana sa Agosto 11, 2024.
Ginpadumdum man it Civil Service Commission ro tanan nga mag-apply it temprano bangud nga maskin nga sa Hunyo 13 pa opisyal nga magasarado ro aplikasyon hay nagapatuman sanda it first-come, first-served basis kun sa siin ro andang target nga number of participants hay kapin sa 3,000.
Rason nga pwedeng tapuson eon ro pagbaton it aplikasyon kon mag-abot eon ro numero it aplikante sa target number.
Magapatigayon man sanda it mobile filing of application nga nagakahueugan nga sanda mismo ro maga-agto sa nagkaeain-eain nga lugar agud nga mas maging masoehay ag madali ro pag-apply.
Ro Civil Service Examination hay requirement para sa mga Pilipinong gusto nga magtrabaho sa gobyerno, ag bukas sa tanan nga naga-edad it 18 pataas.
Samtang, dugang pa ni Jamorin nga pwedeng mag-agto sa andang Civil Service Commission Field Office sa banwa it Banga ukon mga venue it andang mobile filing of application ro sin-o man nga gustong mag-file it application ag pwede man nga sayuron sa Civil Service Commission website nga www.csc.gov.ph ro listahan it requirements.
Sa pihak nga parte, may bag-o makaron nga application form ro Civil Service Commission nga mas simpli agud nga madali nga ma-fill-apan.
Pwede nga i-download ro bag-o nga application form sa andang FaceBook page kun sa siin sa professional level hay i-print sa puti nga long bond paper ag ro sub-prosssional level hay sa light blue colored nga long bond paper.
Ginpadumdum man nana nga tatlong buean antes ro petsa it eksaminasyon hay dapat nga owa nakabo-oe Civil Service Examination pen and paper tests ukon computerized exam.
