KALIBO, Aklan—Gin-aprubahan it Aklan Police Provincial Office ukon APPO ag Commission on Elections ro aplikasyon para sa gun ban exemption it daywang ka kandidato nga nagapadaeagan nga kongresista halin sa daywang distrito sa probinsiya.
Suno kay P/Major Willian Aguirre, head it intelligence unit it APPO nga ro request it daywang congressional candidate hay nag-agi sa threat assessment ag iba pang evaluation.
Base sa Comelec Resolution 10728, ginabawae ro pagdaea it baril sa pag-umpisa it election period ko Enero 9 ag magatapos sa Hunyo 8, 2022.
Samtang, gindugang pa ni major Aguirre nga may sangka PNP personnel nga gin-request it sangka kandidato halin sa eastern district agud nga magbantay kana.
Apang ro pagtau sigon it seguridad hay may limitasyon ag kinahangean nga pirme raya nga nakasuksok it uniform sa mga campaign sorties.
Ro pag-apruba sigon hay nag-agi sa tamang proseso nga nag-agi sa Provincial Director, Regional Director ag may kopya man ro national headquarters sa kampo krame.
