KALIBO, Aklan—All systems go eon ro Aklan Police Provincial Office ukon APPO angot sa pagahiwaton nga Brgy. ag Sangguniang Kabataan elections sa maabot nga Oktubre it makaron nga dag-on.
Suno kay P/Staff Sgt. Jane Vega, tagapaghambae it Aklan Police Provincial Office ukon APPO nga nakaplastar eon ro tanan nga seguridad nga andang igapatuman agud nga masiguro nga magiging matawhay ag maayos ro pagahiwaton nga eleksyon.
Pagaeauman suno kana nga maabu nga mga kapulisan ro makita sa mga karsadahon sa pagpatigayon it mga surprised checkpoint sa mga istratehikong lugar.
Dugang pa ni PSSgt. Vega nga may mga gin-assign nga mga bag-ong opisyal it kapulisan sa aklan nga bag-ong graduate it police executive master sergeant nga naghalin sa ibang mga probinsiya matapos nga makaangkon it reshuffling bangud sa eleksyon.
