KALIBO, Aklan—Ginpasiguro it Aklan Police Provincial Office (APPO) nga padayun ro andang hugut nga monitoring angot sa illegal gambling sa bilog nga probinsya.
Suno kay PSSgt. Jane Vega, tagapaghambae it APPO nga ginmanduan sanda nga i-validate ro tanan nga munisipalidad agud masiguro nga malimpyuhan kontra sa illegal number games, bookies ag iba pang sugae.
Sa kamatuoran suno kana hay may pilang Municipal Police Station eon nga nakasumite it andang accomplishments.
Ginakalipay man sigon nanda ro manami nga turnout it kada operasyon.
Sa pihak nga parte, sigidas makaron ro pagpahaum it APPO para sa nagahilapit nga Civil Disturbance Management (CDM) Operations 2023 sa Police Regional Office (PRO)-6.
Ro kada probinsya sigon hay magaprepara it company size contingents.
Raya hay dag-unan nga ginapatigayun apang temporaryong napundo kasunod it pagpanaeasa it pandemya.
Dugang pa kara nga ro CDM competition hay preparasyon para sa nagahilapit nga State of the Nation Address (SONA) ni Pangueong Ferdinand Marcos Jr.
