KALIBO, Aklan—Haom nga magpasaka it kaso ro Aklan Police Provincial Office ukon APPO kontra sa mga pulis nga naga-imbolbar sa illegal nga pagbueang kamana man ro ginakabig nga protektor it nasambitan nga aktibidad.
Suno kay PLTCOL Bernard Ufano it APPO nga owa nanda gina-tolerate engkasong may una nga mga katapo it kapulisan nga nagahimo kara.
Gin-engganyo pa ni PLTCOL. Ufano ro publiko nga magreport eamang sa andang taeatapan kung may nasayuran nga impormasyon.
Haom man sigon sanda nga magpatigayon it operasyon agud nga maaktuhan ro mga raya samtang nagapatigayon it illegal nga pagbueang.
Nasayuran nga hasta makarun hay sigidas ro ginahimo nga Anti-Illegal Gambling Operation it APPO ag sambilog sa mga ginatutukan it taeatapan hay ro mga na-monitor nga online sabong kung sa siin owa it nagakaigo nga permits.
