Kalibo Aklan —–Ginpasiguro it Aklan Police Provincial Office (APPO) nga may mga tikang nga ginahimo agud nga mabantayan it husto ro mga pantalan ag paeuparan sa probinsiya .
Raya hay kasunod it ginpaguwa nga Executive Order No. 19 ni Governor Florencio Miraflores sa tunga it paeag it coronavirus disease (COVID-19) .
Suno kay P/Staff Sgt. Jane Vega, tagapaghambae it APPO nga sakop it travel restrictions sa pagsueod sa Aklan hay ro sea and air travel eamang rason nga bantay-sarado it kapulisan ro mga airport sa Kalibo ag Caticlan, kamana man ro mga pantalan sa banwa it New Washington, Batan, Caticlan ag Alegria sa Buruanga .
Ginpahayag dugang nga kapareho it nakasanayan hay regular man ro andang pagpatigayon it checkpoints sa mga kabanwahunan .
Sa pihak nga parte, ginpahayag pa ni Vega nga naka-alalay sanda sa health authorities sa pagbantay sa mga persons under investigation ag persons under monitoring .
Suno kana nga ro sin-o man nga indibidwal nga magapamalibad nga magsunod sa mandatory measures agud nga matapna ro pagkalhit it COVID-19 hay paga-arestuhon sa idaeum it state of public health emergency.
