KALIBO, Aklan–Kasado eon ro deployment plan it Aklan Police Provincial Office (APPO) para sa Opening Salvo it Kalibo Sto. Niño Ati-atihan Festival 2023 sa adlaw it Sabado, Setyembre 8.
Suno kay PSSgt. Jane Vega, tagapaghambae it APPO nga ginaeauman eon nanda ro pagbuhos it mga tawo sa Kalibo Pastrana Park para partisipar ag magkinasadya sa mga aktibidad nga ginpahaum it lokal nga gobyerno.
Ginpasiguro man kara ro mabaskog nga seguridad para masiguro ro kaeuwasan it mga local ag foreign tourist nga magatambong sa Opening Salvo.
May paga-eauman man sigon nga augmentation para masiguro nga bastante ro pwersa nga magabantay sa kabilugan it okasyon.
Sa kamatuoran suno kana hay may naka-assign sanda nga personnel para sa traffic management ag route security kamana man nga may focal person ro kada team.
Ro final deployment suno kana hay pagahimuon sa adlaw it Biyernes.
