KALIBO, Aklan—Nag-apela makaron ro Aklan Police Provincial Office (APPO) sa publiko nga likawan anay nga makiparte sa kontrobersiyal nga peryahan ng bayan.
Suno kay Police Colonel Ramir Perlito Perlas, Provincial Director it APPO nga ginahueat pa nanda ro nagakaigo nga dokumento halin sa national office it Philippine Charity Sweepstakes Office (PCSO) angot sa operasyon it peryahan ng bayan.
Suno kana, nakabaton imaw it sueat maghalin sa Global Tech Online Mobile Corporation nga may petsang Oktobre 25, 2020.
Ro makangawa-ngawa sigon kara hay imaw eota ro nakabutang nga provincial director samtang rayang Enero 15 eamang imaw nagpungko.
Bangud kara, gilayon sigon nana nga pa-usisaon sa Intelligence Officer kung may nagakaigo nga papeles ro nasambit nga peryahan ng bayan apang nagpamalibad sigon nga magtao ro PCSO-Aklan.
Sa baylo hay gin-abisuhan eon lang sanda nga magpadaea it sueat sa national office it ahensya.
Sa makaron hay ginahueat pa sigon nanda ro dokumento.
