KALIBO, Aklan–Ginpaandaman it Aklan Police Provincial Office (APPO) ro publiko nga magdahan sa pagpatigayun it transaksyon eabi eon kung nagabakae sa mga establisyemento.
Raya hay kasunod it ginaeauman nga uman nga pag-eapta it mga pekeng kwarta makaron nga holiday season.
Suno kay PSSgt. Jane Vega, tagapaghambae it APPO nga dapat masayuran it kada isaea ro mga safety tips agud nga indi mabiktima it pekeng kwarta.
Dapat sigon nga maging mapagmatyag ag sikyaron it mayad ro ginabuytan nga kwartang papel kamana man nga insigidang magreport sa pinakamaeapit nga estasyon it pulisya engkaso nga may matueopangdan nga iligal nga aktibidad.
Kinahang-ean sigon nga magkooperar ag makipagbueoligan ro bilog nga komunidad agud nga matapna ro pag-eapta it pekeng kwarta.
