KALIBO, Aklan–Nagpatigayun it Simultaneous Logistical Readiness Test and Dispatch Ceremony ro Aklan Police Provincial Office (APPO) bilang preparasyon para sa May 9, 2022 national and local elections.
Ginbida it mga otoridad ro andang mga kagamitan nga pagagamiton sa mismong adlaw it eleksyon.
Suno kay Police Major Willian Aguirre, Head it Provincial Intelligence Unit it APPO, pamatuod eamang raya nga haum eon ro kapulisan sa pagtao it seguridad ag bulig sa Commission on Election (Comelec).
Nakaplastar eon man sigon ro andang mga stratehiya para madasig nga maka-responde engkaso nga makaangkon it kinagamo.
Ginpasiguro pa ni Major Aguirre nga padayun sanda nga magapatigayun it ground monitoring para masigurado ro maayos ag matawhay nga eleksyon.
