KALIBO, Aklan—Naka-plastar eun ro security plan it tanan nga mga municipal police station para sa Ligtas Paskuhan sa bilog nga probinsya it Aklan.
Suno kay PSSgt. Jane Vega, tagapaghambae it Aklan Police Provincial Office nga padayun ro andang ginahimo nga koordinasyon sa nagkaeain eain nga ahensiya it gobyerno partikular sa opisina it Bureau of Fire Protection ukon BFP, Municipal Disaster Risk Reduction and Management ag PDRRMO kaibahan ro mga Local Government Unit ukon LGU.
Dugang pa kara nga magaplastar man it sangka lugar ro kada munisipyo kung siin eamang puwedi nga magbaligya it mga paeupok ag dapat hay naga-agi raya sa tamang proseso ag kinahangean nga dokumento.
Raya hay agud nga masiguro sigon ro kaeuwasan it publiko sa paeaabuton nga selebrasyon it Kapaskwahan.
