Nagtaas ro accomplishment reports it Aklan Police Provincial Office (APPO), base sa andang datos halin Enero 1 hasta Mayo 20.
Suno kay PCpt. Aubrey Ayon, tagapaghambae it nasambit nga taeatapan, nalista sa nasambit nga tyempo ro total nga 121 ka mga wanted persons nga nadakpan, kun sa siin 25 kara hay mga most wanted persons.
Sa pag-implementar mat-a it R.A 9165 ukon ro Comprehensive Dangerous Drugs Act of 2002, nalista ro 30 ka mga nadakpan nga nag-eabag sa nasambit nga laye. Raya sigon hay resulta it Reinforcement, buybust, ag search warrant opeations.
Mageuwas kara, may mga recovered ag surrendered loose firearms nga nalista nga umabot sa total nga 191.
Dugang pa kara, may implementasyon man it R.A 10591 ukon ro Comprehensive Firearms and Ammunition Regulation Act, nga nakalista it 40, kun sa siin bunga sigon raya it mga Police Response ag ro iba hay sa bisa it search warrant.
Paathag ni PCpt. Ayon, ro nasambit nga pagtaas hay tuga it pakikipag-bueuligan it komunidad sa kapulisyahan, eabi eon sa kampanya kontra loose firearms.
Padayon man ro andang pagpadumdom sa publiko nga indi mag-duha-duha nga mageapit sa katapo it kapulisan ingkaso nga may maoberbahang mga kaduda-dudang personalidad.
