KALIBO, Aklan — Naka-alerto makaron ro blog nga pwersa it pulisya sa probinsiya it Aklan.
Kasunod raya sa pagkapatay it militar ag pulisya sa pitong matag-as nga opisyal it New People’s Army (NPA) sa sangka engkwentru ku Agosto 15, 2018 sa Sitio Atabay, Barangay San Jose, Antique.
Suno kay PCInsp. Bernard Ufano, hepe it Provincial Intelligence Branch nga naka-alerto sanda makaron sa posibleng pagtimaeus it rebeldeng grupo.
Nauna kara, nanindugan si Concha Araneta, tagahambae it NDF-Panay nga owa it nabatu nga engkwentru sa nasambit nga lugar ag ginhambae nga ginmasaker ro andang mga kaibahan it mga miyembro it 301st Brigade, 61st Infantry Batallion it Philippine Army ag mga pulis it Antique.
Dugang pa ni Ufano nga apisar mabuhay eon nga gindeklarang insurgency free ro Aklan, apang may mga sightings sighon it armadong grupo nga naga-agi sa probinsiya, eabi eon sa boundary it Iloilo, Capiz ag Antique.
Nasayuran nga kaeakip sa napatay ro daywang Aklanon nga sanday Karen Ceralvo alyas “Liway” ag Liezel Bandiola, alyas “Mayang”.
