KALIBO, Aklan—Padayun nga nagahueat it mandu ro Aklan Police Provincial Office ukon APPO halin sa national headquarters angot sa pagbutang it tape sa baril it mga kapulisan makaron nga kapaskwahan.
Suno kay P/SSgt. Jane Vega, tagapaghambae it APPO nga daywang dag-on eon nga owa nakapatigayon it nozzle taping ro PNP.
Ginpamilit ni Vega nga nasayuran it mga pulis kun ano ro andang madangatan engkasong mapamatud-an nga iligal sandang nagpaeupok it baril.
Madumduman nga unang ginbasura ro pagbutang it tape sa baril ko tiempo ni dating PNP chief Ronald “Bato” dela Rosa bangud nga indi sigon nanda gusto nga magguwa nga makaboeo-boeo bangud nga kon gustuhon it mga pulis nga magpaeupok it andang service firearms hay pwede man nanda nga paeson ro tape.
