Kalibo Aklan ———Uman nga nagpadumdum ro Aklan Police Provincial Office (APPO) sa mga pumueuyu angot sa paglikaw sa patupada ag iba pang illegal nga sugae.
Suno kay P/Lt. Col. Bernard Ufano nga ko nagtaliwan nga adlaw hay nagpatigaton it operasyon ro Banga Municipal Police Station kontra sa nasambit nga illegal nga hilimuon nga nagresulta sa pagka-aresto sa pilang mga indibidwal nga nagapatigayon it illegal nga tupada.
Pagpaandam pa ni Ufano nga indi pagakunsintihon ro sin-o man bangud nga maskin siin nga parte it probinsiya hay indi raya pwedeng obrahon.
Ro nasambit nga pag aresto it mga otoridad hay bilang kaparte gihapon it andang kampanya kontra sa illegal nga sugae eabi eon makaron nga nagapangatubang sa COVID-19 pandemic ag hugut nga ginabawae ro mass gathering ukon pagtililipon it mga tawo.
