Ginkalipay it Department of the Interior and Local Government (DILG) ro appointment ni Deputy Chief for Operations (TCDO) PLt. Gen. Vicente Danao Jr. bilang OIC PNP Chief kabaylo ni outgoing PNP Chief Gen. Dionardo Carlos nga magaretiro eon sa serbisyo sa adlaw it Dominggo, Mayo 8, 2022.
Suno kay Interior Secretary Eduardo Año, ro pagbutang kay Danao bilang OIC PNP Chief hay importante eabi eon ag ro nasyon hay maga-ilihir it bag-ong lider.
Rason nga ro unang marching order it sekretaryo sa OIC PNP chief hay pagasiguraduhon nga ro tanan nga andang security preparations hay in-place kamana man nga ro tanan nga police units hay naka deploy.
Ginpasiguro man it sekretaryo kay Danao nga may bastante nga pwersa nga magabantay sa mga komunidad ag tutukan ro tanan nga mga areas of concern para malikawan ro anumang kinagamo.
Samtang, nagpanawagan man si outgoing PNP Chief PGen. Dionardo Carlos sa masobra 225,000 nanda nga tawuhan nga itao ro 100 porsyentong suporta sa bag-ong OIC PNP Chief.
