Kalibo Aklan —-Nagpadumdom ro pulisya sa publiko kaangot sa mabuhay eon nga modus it pagpangloko partikular ro pagpadaea it mensahe pinaagi sa text messages kon sa siin ro cellphone user hay nagdaog it mabahoe nga haega it kwarta.
Suno kay Police Staff Sargent Jane Vega, tagapaghambae it Aklan Police Provincial Office (APPO) nga maabo eon ro naloko it mga online scammer kon sa siin ro vulnerable sa mga raya hay ro bag-o eamang nakagamit it cellphone ukon ro mga may edad eon.
Ginpahayag pa ni PSSgt. Vega nga indi dapat patihan ro mga makarundaya nga modus ag ibutang permi sa paino-ino nga kon nagpasakop ka sa sangka pa-raffle hay posible nga magdaog ka.
Apang, kon uwa hay dikaron eon kamu magduda nga sambilog raya sa pagpangloko.
Ginpahayag dugang ni PSSgt. Vega nga kon may mabaton nga kaparehas kara nga mensahe hay insigida nga magpangutana sa nakasayod ag inde pagtaguon bangud nga posible nga hikwartahan ka it mga scammer.
