-- ADVERTISEMENT --
Ginkumpirma ni Bangko Sentral ng Pilipinas (BSP) Governor Benjamin Diokno nga posibleng magtaas ro April 2022 inflation rate ukon presyo it mga nagapangunang produkto ag serbisyo halin sa 4.2% hasta 5%.
Suno kay Diokno, kaibahan sigon kara ro higher electricity rates it Meralco, presyo it petrolyo, karne, isda ag iba pang nagapangunang kinahangeanon it mga Pilipino.
Ginpahayag dugang nga padayun ro pag-monitor it BSP sa emerging price developments ag magiging epekto kara sa ekonomiya it nasyon.
Samtang, nagguwa ro inflation forecast it nasambit nga ahensya pilang adlaw matapos i-release it Philippine Statistics Authority (PSA) ro inflation figures ko Mayo 5 it makaron nga dag-on.
