KALIBO, Aklan—Aprubado eon ro proposed annual budget it Probinsya it Aklan nga nag-abot sa kapin sa 2.5 Billion pesos para sa dag-ong 2022.
Sa kabilugan nga numero gina-eakipan raya it P1,956,777,588 pesos nga nakataeana para sa general fund, samtang P5,056,510 pesos man ro maadto para sa local economic enterprise.
Ginpahayag ni Mary Grace Macahilas, Aklan Provincial Budget Officer nga ro kapin sa P1,781,607,588 it dag-unan nga pondo hay naghalin sa National Tax Allotment (NTA),ag ro kita it Probinsya maghalin sa local tax nga may kapin sa P175,100,000 samtang P556,530,000 pesos ro gina-eauman nga maghalin sa economic enterprise.
Pagatutukan man sigon it Gobyerno Probinsyal nga pagapondohan ro social services ukon pagkaangkon it bastante nga pagkaon ag ikamayad nga eawas.
Samtang, pila sa mga proyekto nga pagataw-an it pondo it provincial government hay ro imprastraktura partikular ro mga ospital ag evacuation centers, scholarhip grants ag mga public employment ukon job placement.
