Gin-imbitahan it pamunuan it Archbishop Gabriel Reyes Foundation Inc. ro mga pumueoyo eabi eon ro mga estudyante nga magbisita sa Museo it Akean para sa andang “open house” umpisa Oktobre 24 hasta 29, 2022.
Suno kay Eloize Juliet Victorianom, Executive Director, Archbishop Gabriel Reyes Foundation Inc. nga bukas raya sa tanan nga mga estudyante kung siin libre sanda nga makatan-aw sa sueod it Museo.
Sa nasambit nga petsa, ginpanaba man sa P20 ro pagabayaran nga entrance fee it mga adult ag iba pang bisita.
Ro Museo it Akean hay gintukod it mga Aklanon pillars halin sa Manila.
Sa kamatuoran suno kana hay nakataeana nga iga-selebrar it Museo ro ika-45 kara nga anibersaryo.
Makita man sa nasambit nga edipisyo ro mga kultura ag heritage it probinsya kamana man ro replica it Memorial Fouder nga si Archbishop Gabriel Reyes ag ama it Aklan nga si Godofredo Ramos.
Ro Museo hay bukas halin Lunes hasta it Sabado umpisa alas-8:00 it agahon hasta alas-5:00 it hapon
