KALIBO, AKLAN — Patay ro sangka Architecture student matapos nga bun-on it daywang binatilyo nga badtrip matapos nga owa nakahampang it video game sa sangka computer shop sa Roxas Avenue Extension, Brgy. Andagao, Kalibo, Aklan.
Gin kilaea ro biktimang si Earl Gabriel Perucho, 19, third year college student ag residente it Brgy. Union, Nabas, Aklan.
Nag angkon ro biktima it sangka igu sa likod ag naabot ro anang baga dahilan it pagkamatay kara.
Gina sugid nga nag agi eamang ro biktima sa lugar kat bun-on it mga nakasubeang nga suspek nga sanday Mark Bel Donieto, alyas Alas, 17 ag Randel Dave Borga, alyas Kiwit, 16, parehong residente it Brgy. Andagao, Kalibo.
Nauna kara, nangharass sa sueod it computer shop ro mga suspek kun sa siin ginilitan ku mga raya ro leeg ni Lester Raden, 21, it Brgy. Napnot, Madalag nga naga hampang eamang sa sueod.
Ro mga suspek hay naga pangatubang sa kasong murder ag frustrated murder.
