-- ADVERTISEMENT --

National News———-Nakataeanang tumuron it Commission on Elections (Comelec) sa adlaw it Huwebes ro mga ‘areas of concern’ nga una sa andang listahan angot sa maabot nga eleksyon sa Mayo 9.

Ginpahayag ni Commissioner George Garcia, raya hay base man sa ginsumiter it Philippine National Police (PNP) ag Armed Forces of the Philippines (AFP) nga may ‘color coded’ ro kada lugar.

Samtang, inde eon sigon paggamiton ro terminong ‘election hotspots’ kaparehas sa ginkasugtanan nanda it Department of National Defense ag National Intelligence Coordinating Agency.