KALIBO, Aklan–Naputos it kasadyahan ro widess avenue sa bilog nga kalibutan nga makit-an sa Buenos Aires, Argentina matapos nga ro kadaeag-an it national football team kontra France pinaagi sa penalty shootout (4-2) sa final match it FIFA World Cup 2022.
Suno kay Bombo International Correspondent Gretchen Rodriguez it Buenos Aires, Argentina nga nauna eon nga gindeklarang national holiday it gobyerno ro adlaw it Lunes ag posibleng mapaeawig pa raya hasta it Martes.
Sobra pa sigon sa fiesta ro nagakatabo nga kasadyahan makaron sa bilog nga nasyon.
Makit-an suno kana ro pagpang-gutok it karsada bangud sa waea-tuo nga party, pagsilinaot, pagbitbit it flag ag pagpatunog it mga saeakyan it mga pumueoyo.
Nasayuran nga matapos ro haeos 36 anyos uman nga nakuhit it Argentina ro kampeonato sa World Cup.
Ro national football team sa pagpanguna ni Lionel Messi hay nakataeana nga magbalik sa andang nasyon bandang alas-7:00 hindugang gabi-i.
