National News ——–Pormal eun nga nagpungko bilang ika-55 AFP Chief of Staff si Philippine Army Commanding General Lt. Gen. Cirilito Sobejana makarun nga adlaw, kabaylo ni outgoing AFP Chief Gen. Gilbert Gapay nga magaretiro sa serbisyo.
Ginaeauman nga pagapangunahan ni Pangueong Rodrigo Duterte ro Change of Command ag Retirement Ceremony sa Camp Aguinaldo.
Si Lt. Gen. Sobejana hay ginakabig nga sangka “buhay na bayani” ukon living heroes bilang sambilog sa mga ginpasidunggan it pinakamataas nga “medal of valor”, nga kapareho it Congressional Medal of Honor it Estados Unidos.
Sambilog raya sa tatlong medal of valor awardees nga naging pinuno it sandatahang lakas ng Pilipinas.
Si Sobejana hay miyembro it Philippine Military Academy (PMA) “Hinirang” Class of 1987, ag pangaywang miyembro it klase nga napromote bilang 4-star General, kasunod it anang mistah nga si PNP Chief PGen. Debold Sinas.
