Magatinir si dating Negros Oriental Congressman Arnolfo “Arnie” Teves Jr. sa detention facility it National Bureau of Investigation (NBI) sa New Bilibid Prison, Muntinlupa City, smatang ginahueat ro schedule it anang arraignment ukon pagbasa it sakdal.
Suno kay DOJ spokesperson Mico Clavano, uwa pa it ginpaguwa nga order ro korte angot it arraignment ni Teves.
Presente man nga gina-tun’an it Prosecutor General ro posibilidad it pag-consolidate it mga kasong gindihon kontra kana halin sa mga probinsiya paadto sa Maynila para mas mapadasig ro proseso.
Si Teves hay nagapangatubang sa nagkaeain-eain nga kaso, kaibahan ro multiple murder sa Manila RTC Branch 12, Branch 15, ag Bayawan RTC Branch 63; illegal possession of firearms ag explosives sa Manila RTC Branch 12; ag page abag sa Terrorism Financing Prevention and Suppression Act of 2012 sa Quezon City RTC Branch 77.
