Ginpa-iway ro arraignment ukon pagbasa it kaso kanday Senador Jinggoy Estrada ag dating Department of Public Works and Highways (DPWH) Secretary Manuel Bonoan sa kasong graft ag plunder sa Sandiganbayan Fifth Division.
Nakataeana kunta nga basahan it kaso ro daywa makaron ku adlaw it Martes, Hunyo 30, apang ginhalin raya sa Hulyo 28
Raya hay kasunod eon man it gindihon nga mosyon it state prosecutors sa anti-graft court division para amyendahan ro case information para kakason si Bonoan halin sa kaso.
Madumdumang ku adlaw it Lunes, ginkumpirma ni Ombudsman Jesus Crispin Remulla nga nagpasugot eon si Bonoan nga maging state witness.
Suno sa Ombudsman, importante ro maeawig nga kasayuran it dating opisyal para mapamatud-an ro maabong kaso angot sa flood control scandal.
Ro arraignment hay marka it pormal nga pag-umpisa it pagbista nga naga-mando sa mga akusado nga mag-atubang sa korte antes hinyuon ro pagsueod it guilty ukon not gulty plea.
