KALIBO, Aklan–Sa pag-umwad it teknolohiya sa modernong panyempo, madasig man nga nakakahimo it pagbag-o ro mga eksperto agud nga mapadali ro pagpangabuhi ag trabaho it mga tawo.
Kapareho sa Amerika, mainit nga gina-istoryahan makaron ro Chat GPT ukon Artificial Intelligence.
Raya hay gin-release ko Nobyembre 2022 kung siin ro OpenAI’s Chat GPT hay ginagamit sa pagsueat it cover letters, pag-ubra it libro it mga unga ag sarang pa nga makabulig sa pag-cheat it mga estudyante sa andang essay.
Suno kay Bombo International Correspondent Greg Aguilar it California, USA nga ro nasambit nga chatbot hay posibleng maging mas powerful kaysa sa ginaeauman.
Ginpaathag man ni Aguilar ro napueo ka mga trabaho nga naeakip sa highest-risk nga bayluhan it Artificial Intelligence (AI) sa masunod nga 25 anyos.
Ginaeakipan raya it tech jobs, media, legal industry, market research analysts, teachers, finance job, traders, graphic designers, accountants ag ro customer service agents.
