Sangka grocery store sa Arizona ro nakabaton it Guinness World Record sa titulong “Largest Donut Mosaic” matapos sanda nga makapag-assemble it linibo nga mga donut agud nga maging sangka mosaic artwork!
Ro donut mosaic hay gin-obra para sa pagdumdum sa 90th anniversary it grocery store nga Bashas.
Ro Bashas hay makit-an sa Chandler, Arizona.
Gamit ro 14,400 bilog it mga makolor nga donut, ginbilog ro logo it Bashas kaibahan ro mga kataga nga “90 years”.
Suno sa spokeswoman it Bashas nga si Ashley Shick, naisipan it management nga iselebrar ro 90th anniversary it andang grocery pinaagi sa pag-obra it mabahoe nga donut mosaic artwork.
May sukat nga 902 square feet ro donut mosaic it Bashas nga doble ro kabahoe kumpara sa nagtaliwan nga largest donut mosaic record ko 2012 sa Ukraine.
Matapos makumpirma it Bashas nga ginabuytan eon nanda ro Guinness record, ginpanupod nanda ro mga donut sa andang customers.
