Kabilugan nga naging madinaeag-on ag malinong ro ginpatigayon nga Association of Southeast Asian Nations (ASEAN) 3rd Digital Ministers Meeting (ADGMIN) ag ASEAN Digital Senior Officials (ADGSOM) nga ginpangunahan it Department of Information and Communication Technology ukon DICT sa isla it Boracay.
Raya hay suno kay PCapt. Aubrey Ayon, tagapaghambae it Aklan Police Provincial Office ukon APPO kasunod sa pagdayaw nga andang nabaton maghalin sa host agency ag maging sa mga delegasyon it ASEAN member states.
Ginpahayag dugang nga 80 porsyento sigon it international delegation hay bag-uhan sa Boracay kon sa siin may kanya-kanya sanda nga bantay maging sa andang personal nga panaw.
Nasayuran nga pagkatapos it meeting hay uwa ginpaeampas it mga delegasyon ro paglibot sa isla.
Nauna eon haoes 400 nga uniformed PNP personnel ag Philippine Army mag-eowas pa sa ibang force multipliers ro gindeploy sa mainland Malay ag isla it Boracay para magsikyar sa seguridad it mga nagtambong sa nasambit nga event nga pormal nga nagtapos ko Pebrero 12.
