KALIBO, Aklan—Mabahoe ro epekto it pagpanaeasa it African Swine Fever (ASF) ag mga nag-agi nga bagyo sa pagtaas it presyo it mga nagapangunang baeak-eon.
Kaibahan eon kara ro mga karne it baboy, manok ag tinuea sa mga merkado publiko.
Suno kay Bayan Muna Representative Carlos Isagani Zarate klaro nga mas ginapili it mga hog raisers nga ibaligya ro andang alagang baboy sa Metro Manila bangud sa mahae nga presyo.
Dikara sigon naga-umpisa ro pagsangkiri it supply nga nagiging rason it pagmahae it mga karne.
Dag-on 2018 suno kana kat nagfile imaw it resolution para usisaon ro ASF apang masami sigon nga ginapahayag it Department of Agriculture nga under control pa ro sitwasyon.
Ginkondena man kara ro mahina nga pag-aksyon it DA sa mataas nga presyo it mga baligya.
Dapat suno kana nga iduso ro price ceiling sa mga produkto.
Nasayuran nga pinaka naapektuhan it ASF ro Central Luzon ag Southern Tagalog rason nga ro mga baboy nga ginabaligya sa Metro Manila hay nagahalin sa Visayas ag Mindanao.
