ASF bukon pa gihapon it kontrolado it gobyerno

Ginpaathag ni Pangueong Ferdinand “Bongbong” Marcos Jr. nga owa pa gihapon nakontrol it gobyerno ro problema sa African Swine Fever (ASF).

Raya ro rason kung ham-an indi pa gihapon malikawan ro pag-angkat it baboy it Pilipinas.

Kaparehong sitwasyon man sigon ro na-eksperyensyahan sa bahin it poultry industry kung siin nakaangkon eon it kakueangan sa suplay.

Ginpahayag pa it pangueo nga sambilog sa mga rason kara hay ro kakueangan it feeds rason nga dapat mapataas ro produksiyon it paeay ag mais nga magagamit sa livestock.

Raya sigon ro sambilog sa rason kung ham-an single highest priority nana ro agrikultura ag target it anang administrasyon nga maka-kriar it mabaskog nga ekonomiya.