Ginpamilit it Office of the Ombudsman nga ‘frozen’ ukon naka-freeze gihapon ro mga assets it tanan nga mga eakot sa kaso it maanomalyang flood control projects.
Sa sangka pahayag, ginklaru ni Assistant Ombudsman Atty. Mico F. Clavano nga owa gihapon ginabuytan it mga respondents ro andang natungdan nga mga kwarta ukon assets nga una sa banko.
Maskin nga may mga nagaka-expire nga ‘freeze order’ kontra sa mga raya, ginpamilit ni Clavano nga nakabo-oe man sanda it ‘asset preservation order’ para kara.
Raya hay nagakahueugan nga magapabilin nga naka-freeze ro mga ‘bank accounts’ sandig sa ‘civil forfeiture cases’ nga ginpasaka kontra sa mga gina-akusahan ag gina-imbestigahan nga eakot sa korapsyon.
Samtang, ginpasiguro ni Ombudsman Jesus Crispin ‘Boying’ Remulla nga dere-deretso ro andang imbestigasyon angot sa maanolyang flood control projects.
Maskin nga owa direktang ginsabat kon may masunod pa nga makasuhan, ginpahayag kara nga pagaeauman nga ro ‘tag-init hay mas pa nga maga-init’.
