KALIBO, AKLAN — Arestado ro sangka assistant instructor it kite boarding sa pagduso it illegal nga droga sa ginpatigayon nga buy bust operation sa Brgy. Yapak sa isla it Boracay.
Nakilaea ro suspek nga si Rodulfo Magay Jr., 28 anyos, tumandok it Sta. Fe, Romblon, apang temporaryong naga-istar sa Sitio Bolabog, Brgy. Balabag sa isla.
Naaresto si Magay matapos nga mabak-ean it sangka sachet it ginapatihan nga shabu it sangka police agent nga nagpakuno-kuno nga poseur-buyer gamit ro 1,100 pesos nga marked money.
Narekober pa sa posession ag kontrol it suspek ro dugang nga tatlong sachet it shabu sa pag-body search.
Ro nasambit nga operasyon hay pinaagi sa gintingub nga pwersa it Malay Police Station, Boracay Tourist Assistance center ukon BTAC, PDEA-6, ag iba pa.
Ro suspek hay nakataeanang pagakasuhan it pag-eabag sa RA 9165 ukon Comprehensive Dangerous Drugs Act of 2002.
