KALIBO, Aklan–Nakataeanang magaabot makarun nga adlaw sa probinsya it Aklan ro AstraZeneca vials maghalin sa siyudad it Iloilo.
Suno kay Aklan governor Florencio Miraflores nga raya para sa mga senior citizen nga medical health care worker nga gustong magpabakuna kontra COVID-19.
Madumduman nga nauna eun nga nabakunahan it Sinovac vaccine ro kapin sa 2,429 ka mga health care workers sa pampuliko ag pribadong ospital sa probinsya.
Samtang, bilang pagdumdom sa haeos ang dag-on eun ro nagtaliwan matapos mga magpatuman it nagkaeian eain nga lockdown sa bilog nga probinsya it Aklan bangud sa gihapon sa COVID-19, ginkalipay ni Gov. Miraflores ro naging resulta it ginahimo nga tikang it provincial government agud nga sok-ean ro pandemya.
Suno kana nga makarun hay mas pang ginpabaskog ro ginapatigayon nga treatment, contact tracing, ag testing ag amat-amat nga nagabalik ro ekonomiya it probinsya.
Raya hay matapos uman nga buksan ro Isla it Boracay para sa mga local toursit.
Sa makarun suno pa kana hay naga-average it masobra sang libo nga turista ro nagabisita sa Isla.
Samtang sa pihak nga parte, ginklaro ni Aklan Governor Miraflores nga ro bakuna nga pagabak-eon it provincial government hay nakataeana para sa tanan nga mga kabanwahanan sa bilog nga probinsya it Aklan.
Engkaso man nga magbakae it andang kauagalingon nga bakuna ro Local government unit ukon LGU hay pagapun-an eun lang it Provincial govenrment ro kueang sa andang masarangan nga iga-purchase.
