KALIBO, Aklan–Nag-umpisa eon ro pagpatuman it limited face-to-face classes sa Aklan State University ukon ASU-kalibo campus.
Ginpahayag ni Dr. Jeffrey Clarin, ASU-Kalibo Campus Director nga raya hay matapos nga aprubahan it lokal nga gobyerno it Kalibo ag Commission on Higher Education ukon CHED ro pagpatigayon it physical classes para sa tanan nga programa nga gina-offer it unibersidad.
Ko nagtaliwan nga buean it marso hay nagpatigayon eon sigon sanda it simulation matapos ro inspeksyon it LGU-kalibo.
Ongoing suno kana ro andang pagpatigayon it laboratory classes samtang gina-amat-amatan ro lecture room eabi eon sa mga programa nga may board kapareho it enginerring , architecture ag iba pa apang nagapabilin nga limitado ro mga estudyante ukon by-batches it mga estudyante.
Kaabuan sa mga estudyante nga nagapasakop sa limited face to face classes hay ro 3rd year ag 4th year ag pilang parte it 2nd year.
Ginpasiguro man ni Dr. Clarin nga bastante ro andang health measures para masiguro ro kaeowasan it mga estudyante ag mga faculty.
Tanan sigon nga mga estudyante hay required nga may bakuna kontra COVID 19 ag medical insurance ukon naga angkon it philHealth kamana man nga gina-require it physical distancing.
Raya hay sandig sigon sa mandu it Department of Health ag CHED.
