KALIBO, Aklan— Naabot it pulisya ro andang target nga “zero major crime incident” sa katatapos nga selebrasyon it Ati-Atihan Festival sa Kalibo nga nag-umpisa ko Enero 2 hasta it 20, 2019.
Sa kick-off ceremony, ginpanginbulahan ni P/CSupt. John Bulalacao, regional director it Police Regional Office (PRO)-6 ro mga kapulisan nga nagbantay sa selebrasyon kapin eon adlaw it Biyernes, Sabado ag dominggo kon siin buhos ro mga tawo.
Sa interview it Bombo Radyo, ginpahayag ni Bulalacao nga nagnaba makaron nga dag-on ro mga street incidents nga nakalista eamang it napueong kaso kumpara ko nagtaliwan nga dag-on nga may 39.
Bangud sa madinaeag-on nga security measure, raya man sigon ro andang igapatuman sa Dinagyang Festival sa Iloilo makaron nga dominggo.
Samtang, pilang kapulisan ro ginpasidunggan bangud sa pilang accomplishments kapin eon ro mga naka-aresto sa sangka snatcher, lolo nga may daeang baril ag mga drug personalities sa kasagsagan it selebrasyon.
Nasayuran nga kapin sa 1,600 nga mga pulis, soldado ag emergency response team ro nagbantay sa selebrasyon bilang kaparte it Site Task Group Ati Feast 2019.
