KALIBO, Aklan — Humakot it medalya ro sangka 19-anyos nga daeaga sa Paralympic games sa swimming event sa Western Visayas Regional Athletic Association (WVRAA) meet 2019 sa Roxas City, Capiz.
Suno kay Chaira Regino, Grade 11 student it Navitas National High School sa Malinao, Aklan, haom imaw nga magsabak sa Palarong Pambansa sa Davao City sa Marso matapos nga makaangkon it tatlong bueawang medalya sa breast style, freestyle ag back stroke.
Gin-onga ro daeaga nga may kapansanan kon siin parehong bukon it normal ro mga siki.
Samtang, agaw-atensyon man sa kompetisyon ro anang ina nga si Helen Regino bangud sa ginpakitang suporta ag pagpalangga sa onga pamaagi sa paghakwat kara.
Suno sa ina nga nakasanayan eon kara ro paghakwat sa onga halin kat maisot pa raya agud maka-eskwela hasta sa mga training kara bilang sangka atleta.
