Nagpahayag it kasadya si Realyn Sabido, coach ni John Del Rosario nga nakakuhit it kauna-unahang bueawang medalya para sa Region 6 sa nagtapos nga Palarong Pambansa 2026 sa Agusan del Suer.
Suno kana, grade 7 pa eamang raya hay nakitaan eon nana it potensyal sa pagiging atleta.
Indi man sigon maduea rom ga hangkat kun sa siin sambilog kara ro pag-angkon nana it injury kat raya hay grade 8 pa eamang, apang uwa raya naging hadlang para nga padayunon ro anang haumpisahan.
Paathag pa nana, sa andang ginpatigayon nga “Aklan Weekly Relays” dati, nag-arangkada ro abilidad ni John kun sa siin naging most be-medalled athlete imaw.
Dugang pa kara, nakasueod man imaw sa WVRAA Meet kun sa siin magahampang dapat imaw sa finals, apang na mislook ro data kaya uwa raya naka-hampang.
Paathag dugang nana nga si John hay sangka klae it atleta nga disiplinado, determinado, ag pursigido sa anang mga hampang kaya naging mabahoe ro andang salig nga kayanon nana rom ga hampang nga anang paga-atubangon. Sambilog man sigon nga naging inspirasyon kara hay ro anang pamilya.
Padayon man sigon nanda rayang gina-padumduman nga mag-tinguha eang sa mga bagay nga gusto nana nga makuhit.
