Atty. Gonzales, kontento sa temporaryo nga pagdumaea ni Pangueong Marcos sa DA

KALIBO, Aklan–Kontento ro sangka batikan nga abogado sa Aklan sa temporaryong pagdumaea ni Pangueong Ferdinand Marcos Jr. sa Department of Agriculture (DA).

Suno kay si Atty. Axel Gonzales nga may bastante nga gahum ro presidente agud nga usisaon ro tanan nga kakueangan ag problema sa ahensya.

Ginpunto man kara nga bukon eamang it problema sa agrikultura ro ginapangatubang it DA kundi kaibahan eon kara ro eapnaag nga smuggling ag hoarding it prime commodities.

Makabulig sigon ro pagdumaea it pangueo para maimplementar ro reporma nga gusto kara nga himuon sa sektor it agrikulturta.

Nauna eon nga ginpahayag it pangueo nga nakataeana nana nga iturn-over ro trabaho sa departamento sa oras nga matapos eon nana ro mga kinahang-ean nga ayuson.