KALIBO, Aklan—Pormal eun nga nagpungko bilang bag-ong Acting Port Administrator sa Caticlan Jetty Port si Atty. Selwyn C. Ibarreta bilang kabaylo ni dating Port Administrator Niven Maquirang.
Kaangot kara, ginklaro ni Ibarreta nga uwa it Civil Service eligibility si Maquirang rason nga ginbuoe imaw sa pwesto ag bukon it bangud sa gina aligar nga konplikto sa tunga nanda ni Mayor Abram Sualog it Malay.
Si Ibarreta ro presente nga Provincial Administrator ag temporaryo nga ginbutang sa posisyon samtang nagausoy pa sanda it kabaylu ni Maquirang bangud nga ginabawae pa rong pag-appoint sa mga bakanteng posisyon sa gobyerno tuga it banning period.
Nasayuran nga nag-umpisa nga magpungko si Ibarreta sa puwesto pagsueod ko buean it Abril.
Samtang, ginpahayag ni Ibarreta nga padayun makaron ro pag-aeabutan it mga turista bukon eamang para sa summer season kundi agud nga makiparte sa selebrasyon it Love Boracay.
