Kumpyansa ro abogado it mga biktima it war on drugs nga si Atty. Kristina Conti, nga malabong magmadinaeag-on ro mga tikang ni dating Pangueong Rodrigo Duterte nga kwestyunon ro huridiksyon it International Criminal Court (ICC) angot sa pagdihon kara it petisyon para sa temporaryong pagpahilway.
Suno kay Conti, ro nasambit nga aksyon hay matsa pamilyar nga defense strategy nga tuyong magpaiway ag mag-deflect it mga isyu sa kaso it dating Presidente.
Nasayuran nga ko 2023, gin-insister it ICC nga may hurisdiksyon gihapon raya sa mga krimen nga natabo sa nasyon samtang miyembro ro Pilipinas sa Rome Statute rason nga ro mga alegasyong ginaduso sa International Court hay uwa it legal nga basehan.
Dugang pa ni Conti, ro mga argumento it ikamayad nga eawas ukon edad ni Duterte para sa temporaryong pagpahilway hay bukon it bastante agud paboran raya it ICC bangud nga ro ICC sigon hay base sa laye ag bukon it sa emosyon.
