Nagdihon it petisyon sa Mataas nga Hukuman ro abogadong si Atty. Romulo Macalintal angot sa pagpa-iway it Barangay ag Sangguniang Kabataan Elections (BSKE) 2026.
Sa gindihon nga ‘Petition for certiorari and prohibition’, ginkwestyon ni Atty. Macalintal ro laye nga nagtuga para indi madayon ro pagpatigayon it eleksyon.
Personal sigon imaw nga nag-adto it Korte Suprema para hinyuon nga insigida nga aksyunan ro petisyon ag magpatigayon it ‘special raffle’.
Suno sa abogado, kaeakip sa petisyon ro hinyo nga mag-isyu ro Korte Suprema it TRO ukon Temporary Restraining Order para ipa-iway ro implementasyon it Republic Act No. 12326, ro laye nga nagapaiway sa BSKE 2026.
Nagapati ro petisyuner nga ro pag-postponed it eleksyon hay makabig nga pageabag sa kinamatarong it pumueuyo para maka-pili it magadumaea nga mga lider it barangay.
Masyado eon sigon nga mahaba ro termino it mga opisyal it barangay sa pauman-uman nga pagka-delay it nasambit nga eleksyon. Top of Form
