Daeayon eon nga nagresign bilang tagapaghambae it Office of the Vice President si Atty. Michael Poa.
Ginkumpirma raya ni Poa sa naging pag-atubang nana sa pagpamati it House Good Government and Public Accountability sa paggamit it OVP budget ag sa isyu it confidential funds.
Suno kay Poa, bukon eon imaw it konektado sa OVP bangud sa natapos eon man ro anang consultancy contract.
Antes gintaeana bilang tagapaghambae it OVP si Poa, nagserbe anay imaw bilang Under secretary ag Spokesperson it Department of Education sa tyempo it pagdumaea ni Vice President Sara Duterte bilang sekretaryo it ahensya.
Sa nakataliwan nga pagpamati it Kamara, ginpahayag ni Poa nga ginmanduan nana ro kato anay DepEd Undersecretary ag retired Major General Nolasco Mempin para magpangayo it sertipikasyon sa Militar bilang suporta sa paggastos it OVP sa P15-Milyon pesos confidential funds ko nagtaliwan nga dag-on.
Nabulgar man nga gintao it militar ro ginapangayo nga sertipikasyon apang uwa sanda kasayod nga gamiton raya para ijustify ro budget it Opisina it bise presidente.
