Kalibo Aklan ——–Nagpungko eon bilang bag-o nga Philippine Councilor League (PCL) Aklan Chapter President ag Sangguniang Panlalawigan Ex-Offcicio member si Atty. Ricardo Ibarreta.
Ginbayluhan kara si Banga Sangguniang Bayan member Teddy Tupas nga nagpanaog sa pwesto ko nagtaliwan nga dominggo.
Antes nagsueod sa pulitika hay nagtrabaho anay si Atty. Ibarreta bilang Executive Assistant it City mayor it Navotas ko dag-on 2010 hasta 2012.
Ko dag-on 2012 hasta 2013 hay naging Administrative Officer imaw it City Urban Tour it Malabon City kun siin ginbutang imaw sa Legal Department.
Dag-on 2014 kat nag-uli sigon imaw sa probinsya it Aklan para magdaeagan bilang konsehal it Malinao ko 2016.
Ginpahayag ni Atty. Ibarreta nga nag-resign si Tupas para taw-an it daean ro anang pagpungko.
Ginasugid nga may agreement sanda sa 2019 hasta 2022 nga termino kun siin pagatungaon nanda ro PCL presidency.
Ro 1st half it termino hay pagadumaeahan ni Tupas samtang ro 2nd half hay pagapadayunon man ni Atty. Ibarreta.
