-- ADVERTISEMENT --
KALIBO, Aklan–Nag-umpisa eon it pagbakuna it monkeypox vaccine ko nagtaliwan nga dominggo ro nasyon it Australia.
Suno kay Bombo International Correspondent Denmark Suede it Sydney, Australia nga naga-abot sa 450,000 doses ro inisyal nga gin-order it andang gobyerno para umpisahan ro pagbakuna.
Raya hay matapos nga makalista ro nasyon it kapin sa 66 nga kaso it monkeypox.
Prayoridad sigon nga mabakunahan hay ro mga indibidwal nga highly expose, miyembro it LGBTQ community nga nakipaghi-eawas sa kaparehong eaeaki, HIV compromised individual, sex workers ag mga traveler sa highly endemic area an-om nga dominggo antes ro andang byahe.
Ro monkeypox vaccine hay 2 doses kung siin ginaturok raya sa tunga it 28 diyas.
-- ADVERTISEMENT --
