Australia, pagabue-on eon ro requirement nga negatibong resulta it RT-PCR test sa international travelers umpisa Abril 17

KALIBO, Aklan–Indi eun kinahangean pa nga magpakita it negatibong resulta it RT-PCR test ro tanan nga mga international travelers maghalin sa nagkaeain eain nga nasyon kung magsueod sa Australia umpisa sa petsa 17 it Abril.

Suno kay Bombo International Correspondent Denmark Suede it Sydney,  Australia  nga  kinahangean eamang  nga magpakita it daywang dose it covid-19 vaccine nga recognized it Food and Drug Administration ukon FDA sa Australia ro sangka tursitang gustong magpadueong sa nasambitan nga nasyon.

Sambilog sa mga rason sigon it andang gobyerno sa paghaeuga it andang pagsinueondand hay ro nakikitang manami nga epekto it bakuna agud nga masok ean ro virus.