Kalibo Aklan ———-Nagtao it kapin sa 105M Australian dollar nga military ag humanitarian aid ro Australia para sa nasyon nga Ukraine bilang suporta sa gihapon sa ginahimong pagpang-atake it Russia.
Mag-euwas kara, nagpadaea man it dugang nga 50M Australian dollar nga ginakaeakipan it 20M nga military aid ag 30M nga humanitarian aid para sa mga Ukrainian refugees.
Suno kay Bombo International Correspondent Denmark Suede it Sydney, Australia nga magapadaea man makarun it kapin sa 70,00 tons it coal ro gobyerbo it Australia para sa Ukraine agud nga makapadayun sa gihapon ro operasyon it andang Ukrainian electric power plants matapos nga wasakon it Russia ro pila kara.
Samtang, nagtanyag man it 4,500 humanitarian visa ro Australia para sa mga Ukrainian refugees nga gustong temporaryong mag-istar sa andang nasyon.
Sa makarun sigon hay kapin eun sa 750 nga mga Ukrainian ro presenteng nagatinir sa Australia.
Samtang, ginsuspendi man it nasambitan nga nasyon ro shipment it alumina nga ginagamit sa paghimo it aluminum kun sa siin ginaeauman nga makatao it grabeng epekto pag-abot sa kapasidad it Russia sa pag-manufacture it nagkaeain eain nga produkto.
