Nagpartisipar ro Australian Defense force sa Balikatan Exercises sa tunga it Estados Unidos ag Pilipinas.
Ginpahayag ni Bombo International Correspondent Denmark Suede it Sydney, Australia, nga nagpadaea it 111 defense force ro Australian government nga kaibahan sa live fire exercises ag bukon it sa naval exercises.
Ro Australia sigon hay ro pangaywang nasyon kasunod sa Estados Unidos nga may unang visiting forces agreement nga nagaprotekta sa mga Australian and Philippine personnel sa idaeom it legal matters.
May una man sigon nga mga Japanese observers sa nasambit nga exercise apang owa raya napabahin bangud sa owa pa it DFA sa Japan.
Ginklaro man ni Suede nga bukon it defense treaty ro DFA sa Australia sa baylo, raya hay nagatao it legal framework sa pagpabilin it Australian forces sa Pilipinas kamanaman sa Philippine personnel sa Australia.
Ginpahayag dugang nga bangud sa ansambit nga exercises hay nagkantigohan ro armed forces it Pilipinas sa paggamit it mga makabag-ong gamit pangiyera kamanaman ro mga suldado it Estados Unidos pag-abot sa jungle survival.
