Naangkon it sangka acrobatic contortionist halin sa Austria ro anang ika-siyam nga Guinness World Record pinaagi sa pagpatigayon it dimbasana yoga pose sa sueod it 30 minutos ag 3 segundos.
Nabo-oe ni Stefanie Millinger, 30 anyos ro anang unang Guinness World Record ko 2020 matapos nga maangkon ro titulo para sa most consecutive L-sit straddle press to handstands kun sa siin 402 nana raya nga gin-perform it pauman-uman.
Naeampasan kara ro anang kaugalingon nga record ko Hunyo 2021 pinaagi sa 406 repetitions.
Nabo-oe ni Millinger ro anang pinaka-ulihi nga titulo pinaagi sa dimbasana yoga pose, nga ginaeakipan it pagpilo it anang likod halin sa standing position ag pagbuyot sa anang kaugalingon nga siki.
Imaw man ro nagabuyot sa record para sa longest L-sit bar hang, longest duration hula hooping in abdominal plank position, longest duration hula hooping in a single arm plank position ag maabu nga iba pa.
